xeber.im | Çeçen məşqçi millimizi çalışdıracaq

Çeçen məşqçi millimizi çalışdıracaq

Çeçen məşqçi millimizi çalışdıracaq
08 Noyabr, 2019
13 1 3387

Bu gün Azərbaycan Güləş Federasiyasının (AGF) inzibati binasında qurumun prezident əvəzi Namiq Əliyevin rəhbərliyi altında geniş tərkibdə iclas keçirilib.

Oxu.Az xəbər verir ki, tədbirdə AGF rəhbərliyi ilə yanaşı, güləş yığmalarımızın məşqçiləri iştirak edib. 

Federasiyanın başçısı sərbəst güləş üzrə millimizdə böyük məşqçi Zəlimxan Hüseynovun bundan sonra baş məşqçi əvəzi kimi fəaliyyət göstərməsinə qərar verildiyini açıqlayıb. Arif Abdullayevlə yanaşı, daha bir köməkçi-məşqçinin əsas komandada çalışması məqsədəuyğun sayılıb.

N.Əliyev iclasda əsas hədəfin Tokio-2020 olduğunu bildirib: “Təəssüf ki, Nur-Sultanda keçirilən dünya çempionatında cəmi iki lisenziya qazandıq. Biz daha yaxşı nəticə gözləyirdik. Mümkün qədər çalışmalıyıq ki, martda Macarıstanda keçiriləcək Avropa Olimpiya Təsnifat turnirində əksər lisenziyaları əldə edək.

Hədəf heç də maksimum sayda vəsiqə qazanmaq deyil. Bizim üçün perspektiv vəd edən çəkilərdə Olimpiadada təmsil olunmalıyıq. Enerjimizi bu istiqamətdə xərcləməliyik. Hamı üzərinə düşən məsuliyyəti dərk etməlidir.

Bildiyiniz kimi, yunan-Roma güləşi üzrə yığmada baş məşqçi məsələsini həll etdik. Artıq komanda yeni çalışdırıcının rəhbərliyi altında plana uyğun hazırlıq keçir. Burada işlər qaydasında gedir.

Sərbəst güləş yığmamız baş məşqçisiz idi. Belə qərara gəldik ki, bundan sonra Zəlimxan Hüseynov baş məşqçi əvəzi kimi çalışsın. Arif Abdullayev də əsas komandada işinə davam edəcək. Eyni zamanda, daha bir məşqçini bu milliyə təyin edəcəyik.

Bütün komandalarda nizam-intizama ciddi riayət edilməlidir. Federasiya olaraq, komandalarımız üçün əlimizdən gələn dəstəyi verəcəyik. Təlim-məşq toplanışları, vitamin təminatı və sair məsələlərlə bağlı problem olmayacaq. Bütün səyimizi ortaya qoyub, yumruq kimi bir hədəfə vurmalıyıq. Tokio Olimpiadasından qızıl medalla qayıtmalıyıq. Rio-2016-dan zəif çıxış etməyə haqqımız yoxdur.

Dekabrda keçiriləcək Azərbaycan çempionatı heyətin müəyyənləşdirilməsi üçün olduqca vacibdir. Vaxtımız çox azdır. İnşallah, yaxşı hazırlıq keçib, əksər lisenziyaları əldə edərik”.

Qeyd edək ki, milliyyətcə çeçen olan 38 yaşlı Zəlimxan Hüseynov Dağıstandandır. O, Azərbaycan adından çıxış edərək 2009-cu ildəki dünya çempionatında gümüş, bir il sonrakı analoji turnirdə bürünc medal qazanıb. O, 2009-cu ilin Avropa çempionudur. Sərbəst güləş millimizlə iki dəfə (2009, 2011) Dünya Kubokunun qalibi olub. Hüseynov Azərbaycanı 2008-ci il Olimpiadasında təmsil edib.







Qeyd: oxu.az -dan da istifadə olunub.



dünyada ve Azerbaycanda bas vermis en sonxeberler en son xeberler 2019 xeberler 2019

den xeberdar olmaq isdeyirsinizse xeber.im saytina daxil olub, en yeni xeberler haqqinda melumat toplaya bilersiniz. Xeber.im size her gün yeni xeberler , en son xeberler,

Azerbaycan xeberleri, dünya xeberleri

teqdim edir. gundelik olaraq her an bas vermis hadiselerden isti isti xeber tutacaqsiniz. En yeni xeberleri ilk olaraq xeber.im-den oxuya bilersiniz.

Tek Azerbaycan xeberleri ile deyil dünya xeberleri

ilede qarsinizdayiq elbetdeki. Bir xeber sayti olaraqdan meqsedimiz ve vezifemiz sizi en son xeberlerle melumatlandurmaq ve mariflendirmekdir. sou biznes xeberleri, siyaset xeberleri, maraqli-xeberler, dunya-xeberleri, idman-xeberleri, cemiyyet-xeberleri, kriminal-xeberleri, iqtisadiyyat xeberleri, avto moto xeberleri, ikt-xeberleri informasiya texnologiya xeberleri az, medeniyyet xeberleri, turizm-xeberleri, muharibe-xeberleri